Ձեր ապահովության և Ձեր մեքենայի պաշտպանվածության համար Դուք կարող եք ապահովագրել այն անցանկալի տարաբնույթ ռիսկերից, ինչպիսիք են`

. Գողությունը

. Վթարի հետևանքով առաջացած ֆիզիկական և այլ վնասները

. Վթարի հետևանքով այլ անձանց պատճառած տարբեր վնասները

. Վթարի հետևանքով շինություններին կամ այլ առարկաներին պատճառված վնասները և այլ ռիսկերը

Ապահովագրությունն իրականացվում է հետևյալ ուղղություններով`

. Ցամաքային ավտոտրանսպորտային միջոցի ապահովագրություն

. Ավտոտրանսպորտի միջոցի օգտագործումից բխող պատասխանատվության ապահովագրություն

. Ձեր նախընտրությամբ կորոշվի գումարի չափ, որի սահմաններում Դուք կցանկանաք ապահովագրվել այլ ավտոմեքենաներին, նրանց ուղևորներին, ինչպես նաև երրորդ անձանց հասցված վնասից

. ՈՒղևորների ապահովագրություն դժբախտ դեպքերից: Այս պարագայում ևս ապահովագրական գումարը կսահմանվի Ձեր նախընտրությամբ:

Ապահովագրության սակագինը տատանվում է կախված`

. Մեքենայի արտադրության տարեթվից

. Մակնիշից

. Ներկա պահին մեքենայի տեխնիկական վիճակից

. Վարորդի փորձառությունից և տարիքից

. Այլ ռիսկային գործոններից

Դեպքը տեղի ունենալուց հետո առանց վթարի վայրից ավտոմեքենան տեղափոխելու, պետք է անմիջապես տեղեկացնել`

. Օրենսդրությամբ սահմանված իրավասու մարմիններին, եթե դա անհրաժեշտ է

. ՀՀ Ոստիկանության, պետավտոտեսչության համապատասխան տարածքային ստորաբաժանմանը

. Ապահովագրական ընկերության ներկայացուցիչներին

Ապահովագրական հատուցում ստանալու համար անհրաժեշտ է ներկայացնել`

1. Գրավոր դիմում

2. Անձնագիր

3. Ավտոտրանսպորտի նկատմամբ սեփականության իրավունքը հաստատող փաստաթղթեր

4. Տեխնիկական անձնագիր

5. Պետավտոտեսչության կողմից կազմված փաստաթղթեր

6. Ըստ կարևորության և դեպքի առանձնահատկության այլ անհրաժեշտ փաստաթղթեր: